Čitam danes međimorske i horvacke portale i nebrem verovati svojim očima štere me i v sademdesetima dobro služijo. Zaradi tega još ne mouram iti k našoj optičarki Valeriji Novakovoj makar bi mi njejne lejpe očole dobro pasale i sigurno bi znjimi zgledala kak nekša profesorica. Ovak sem i dale stora puca za kojom se v Središćo niko ne obroča več samo sij pijtajo ko je ta Iva Kopriva.
Dok sem to čitala kaj sem čitala, palo mi je na pamet kak mij imamo pametnoga i tolerantnoga gradonačelnika šteri se na incijativo za odceplenje Gorjega kraja od Središća samo nasmejo i odmohno z roukom. Nej je sazvo izvanredno sednico stručnoga kolegija niti je nej zahtevo da se pohapsijo separatisti z Frgouva. Tak so na slobodi dale uni čiji so tateki još za vrejme komunizma prejk ceste rasprostrli odcepilačko parolo ŽIVIO PRVI MAJ I GORNJI KRAJ!
Ondašnji političari so tou oštro osudili baš kak danes Darko Horvat župana Matijo Posavca jer je isto rakel kaj bo se Međimorje odcepilo od Hrvacke ak nam zamejo županijo. Zbog touga bi Horvat odma hapsio jer je tou kazneno delo i protivustavno i protivdomoljubno. Da je po Darkecovomo unda bi v reštu trebala biti cejla Istra na čelu z njihovim frljićevim kazalištem, ali uni tam nejmajo takše velike Horvate i domoljube. Zatou so z Međimorske skupštine vum dišli sij hadezejovci i njihovi partneri pak so nej čuli kaj im je Matija odgovoril.
A on je rakel kaj so uni somi povejdali kaj je Hrvacka do Drave isto kak i nekši naši, kaj je Gorji kraj tek od Matuze na dale. I ve vijdite kak nepoznavanje zemljopisa more posvaditi Hrvote i Međimorce. Na krajo se Posavec ispričo, makar mi je nej jasno za kaj, a na srečo naš Droš Srpok se ne moura, jer je za razliko od Darkeca Horvata malo bole demokratski naštrojen.
Prejk Drave v Hrvackoj još nabrejo formejrati vlodo. Imajo samo janoga mosta prejk šterega bi išli saki posebno, a nej skupa. Kak mij v Središćo imamo dvo, jenoga im lahko posodimo, a drugi navejk ostone kaj bodo ljudi mogli z njega skokati v Muro. I morejo biti sigurni kaj ih nedo najšli kak Hreneka. On je preživil, a mij bomo teško z takšimi političari!
Vaša Iva Kopriva!