Naša teta Jaužica ima već punih 86 let. No i dalje je vitalna, saki den morete ju videti kak ide v zadrugo, k meši i to peški. Pred par let još je to išlo z beciklinom. Živi v Gornjemu kraju pri kapelici v Matije Gupca vulici. Živi skromno, negda i preskromno, kak je cejli život i nafčena. Sakomu što je pita rada da savjet. Stalno nekaj dela, negda dok je još bilo kravici i zemle to joj je bio glavni posel. Ve živi sama, sestre i brat su ju ostavili, otišli na drugi svejt, ali ona je i dalje puna života održava svoj gruntek, spomina sa svojim kokicama i mačkicama. Cejli den klucka i cejpa z sekirom tak da je negdašja štala več puna drva. Si mi kaj živimo poleg nje srećni smo kaj ju imamo.
No ovaj put našu tetu Jaužicu ili za druge Elizabetu Horvat želimo vam prikazati zbog sasvim druge stvari. Naime kokice tete Joužice koje ona toliko voli, i kojima toliko tepa neseju zelene jajci.
Na to pak naša teta Joužica veli ovak: „ Jo sem stara, imam 86 let, ali toga na tom svetu nigdar neje bilo. Poglejte kokoši neseju zelene jajci, v zimi je topliše nek na protuletje, vetri znaju puhati kak su nigdar nej, snegu pa niti troga niti glosa. Kaj se pak tiče zelenih jajci to vam je tak. Čula sem da su naši, šteri vam se dopelaju zvuna, dopelali su i kokice nesilice z Amerike i one su se zmešale z našimi kokoti i kokicami i ve imamo to kaj imamo, zelene jajci.“
Mogli bismo o životu Elizabete Horvat – Jaužice napisati cijeli roman no ovaj put smo se osvrnuli samo na jednu malu crticu iz njezinog života.
(tekst: Z. Rihtarec, foto: B. Rihtarec)