Minuli tjedan obilježili smo mi Međimurci, a i si građani i građanke sječanje na žrtve Domovinskoga rata, a posebno na žrtvu Vukovara i Škabrnje. Za te Den posebno je svetešje bilo v nejsjevernešemo grado Lijepe Naše i našega maloga Međimorja v Murskomo Središčo. Serjanačani so dobili poklona od svoje gracke vlasti i svojega gradonačelnika Dražena Srpaka jerbo je v jivomo grado postavleni spomenik prvomo precedniko Lepe Naše dr. Franji Tuđmano. Si znamo da je Franjo Tuđman i jegov HDZ 1990. leta pobedil na prvim višestranačkim izborima v Lepoj Našoj i da je posle izborov 30.majuša 1990. konstiruiran prvi višestranački Hrvatski sabor. Neje tak zdavnja bilo, ali je minulo več 30. let otkak je Lepa Naša odišla na svoje i zanavek se je restajla od Juge (21. junjuša 1991.) v šteroj je živela od Drugoga rata, a to je nigdar ne bila država nas Hrvata. Posle te rastave so zdigli glave oni šterima je to ne pasalo, Srbi i četniki, i počel je rat za našo domovino Hrvatsko. Stopram smo jo zafremali, stopram smo odišli na svoje več smo jo morali braniti od onih šteri so šteli zrivati granico na linijo Virovitica – Karlovac – Karlobag ako ne još i dale. Franjo Tuđman kak precednik Lepe Naše i zapovjednik oružanih snaga novozafremane Republike Hrvatske stal si je na čelo naših braniteljov i črez štiri leti obranili Lepo Našo od sih onih šterima je bole dišelo ljucko nego svoje. Si znamo kak je krvavi bil te naš Domovinski rat, kuliko se naših dečkov ne vrnulo i kuliko je civilnih žrtava dalo svoje živote za ovu našu slobodnu i neovisnu Hrvatsku!
Za se te zasluge Franji Tuđmanu Serjanski gradski oci so se šteli zafaliti i postaviti bisto njemu kao prvomo predsjedniku i vrhovnomo zapovjedniku oružanih snaga RH.
I za kaj so se odlučili to su i napravili, spomenik – bista je postavljena na Trgo Franje Tuđmana na šteromo je i spomenik sim onim braniteljima šteri so svoje živote deli na oltar Domovine da bi mi danas, 26.let poslije rata mogli živeti v slobodnoj i neovisnoj Lepoj Našoj.
I kaj se je pripetilo več prvi den, kaj ne bom rekel prvo noč? Mesto kaj bi se štimali i bili zahvalni za bisto prvomo precedniko nešči je več prvo noč pošaral postamenta na šteromo je bista i tak rekel kaj misli o bisti, kaj misli o prvomo precedniko i kaj misli o serjanskoj grackoj vlasti. Ne znati što je itak to napravil? Ali oni šteri so to napravili sigurno nemajo lepo mišlenje o dr.Franji Tuđmano! Neje lefko, ali moramo priznati da i posle 30.let kak imamo svojo državo jega med nami i onih šteri još navek živijo v Jugi i neso još niti jeden den preživeli v Lepoj Našoj. Nebrem to veruvati da nešči more biti tak trde glave? Nebrem veruvati da nešči nema rad i ne štima svojo Domovino. Razmem se, čovek ne mora meti rad državo vu šteroj živi, kak smo mi napriliko živeli v Jugi, a ona je ne bila naša domovina. To mi nekak vleče na to da mi moški, črez dosti let od kak smo se oženili več nemamo tak radi svoje žene kak smo meli da smo se oženili, ali da moški nema rad mamo svoje dece i bako svojih vnukov to nebrem nikak razmeti?
Znamo da je predi nek se Lepa Naša restavila od Juge na čelo sega bila Partija, a unda i partijci. Dok je Lepa Naša odišla na svoje unda so i negdašji partijci ne mogli pozabiti svojo partijo i oni so odišli na svoje i zafremali so SDP_e. Oni so ruon tak drukali za Lepo Našo, ali je sejeno 25. junjuša 1991. leta dok se je v našemo Hrvackomo saboro donašala odluka o rastavi od stola i postelje z Jugom 48 zastupnikov (od 49 kuliko jiv je SDP mel v prvom sazivo Sabora) napustilo Sabornico. Si oni šteri so ostali so zdigli roke i neovisna Lepa Naša je zafremana.
Nebrem nikak razmeti da nešterni ljudi nikak nečejo spremeniti svoja mišleja kak posle 30 let otkak imamo svojo Lepo Našo ili pak i posle četrdeset let otkak je Ljubičica bela odišla na drugi svet i čakajo ga kaj se znova vrne. Moremo si mi gruntati kaj si očemo, ali si znuomo da je drug Ljubičica bela 1972. leta, posle hrvackoga prtuletja, rekel v Slavonskomo Brodo da bode predi Sava tekla v rikverc nek bodo Hrvati meli svojo državo. Unda znate kak je mel rad nas Hrvate i kuliko je držal do Lepe Naše, a nešterni med nami ga nebrejo pozabiti.
Kaj reči Serjančarima? Zafalite sima onima šteri so doprinesli kaj imate spomenika prvomo precedniko doktoro Franji Tuđmano, jer nam je on, uz pomoč naših branitelja, puno toga lepoga dal, dal nam je slobodno i neovisno Lepo Našo, a ve je dale na nami kaj jo bodemo dale gradili i branili. A mi Međimorci to moremo i znamo sam da se primemo posla i pokažemo našoj deci, našim vnukima kak se gradi i kak se ima rada rodna gruda i Domovina v šteroj živimo.
Pišta B.