Čitam danes na storomu kompjutoru šteroga mi je poklonil Muralist razne portale i skoro na semaj je naš župan Matija Posavec. Jo sem živejla v štiri države, storoj Jugoslaviji, Mađarskoj, novoj Jugoslaviji i v samostalnoj Hrvackoj, a da sem nej mrdnula z našega Središća. Zgledij kaj bom prije nego odapnem još janput mejala državljanstvo i kaj bom vmrla z međimorskim pašošom.
Konačno je jan političar z našega kraja, šteri je onak usput pobro se glose na zodnjaj izboraj, reko otprto kaj z Međimurjem nejma zafrkancije i kaj nebo dozvolil da nam zamejo županijo i pripojijo nas k Varaždino i Bjelovaro. Velij Matija da bo prije zaijsko odceplenje od Lejpe naše nego na tou pristo. Zračunal je un kaj je Međimorje dovolno samo sebi, jer mij za razliko od drugih soumi proizvodimo i stvaramo, a javni sektor funkcionejra tak kaj je nej nikomo na teret.
Međimorje more biti samo zasebna jedinica v Hrvatckoj ili vum nje jer mij imamo za tou povjesne i kulturne razloge kak i teritorijalno celovitost, dal je do znanja Posavec raznim Mostima, SDP-ima i HDZ-ima šteri so već v rouke zeli škore i počeli rezati nouve granice teritorijalnog i lokalnog poretka. Dodal je još kaj nas niko ne financejra, mij financejramo druge i nikšo pomoč ne trebamo.
I nej sam kaj nam niko nebre zeti ovo kaj ve imamo nego bo odma od premijera, ko got to bil, isko 50 milijoni naših kuni za naše projekte. Ovo kaj se ve oče naprajti za njega je obična demagogija i nikši preustroj nam je nej potreben. Ak bi do njega došlo samo bi dobili još pet, šest menjših centri, malih Zogrebi, šteri bi se fčasi med sobom posvadili.
Tak zbori naš župan, a kak smo sij mij Matija, ima i velike i neoborive razloge za tou, jer Međimorci su znjim do kraja. Je, i još nekaj moram dodati. Moje Središće tak nebo Biograd na Muri, a Rudor bo igro kvalifikacije za ligo prvokov!
Vaša Iva Kopriva!
