Od kak je naš zadjezebrani župan Matija Posavec podnesel ostavko na svojo funkcijo i spraznil županovo foteljo si smo čakali da bo se pojavil dim z rafunga na Markovo trgo i dočakali smo ga. Novi izbori za našega novoga međimorskoga župana bodo zadjo nedelo v novembro, kaj bi rekli 28.novembra. To nedelo bode prvi krug izborov, i ako to nedelo ne bodemo zebrali župana unda bodemo morali iti na popravni za dva tjedne. Kuliko vidimo predi Božiča bodemo meli novoga župana.
Prvi se je za župana prijavil Darko Zver iz stranjke Fokus, šteri ve sedi vu fotelji precednika čakoskoga Grackoga veča. Kuliko vidimo jemo je Čakovec premali za jegove političke ambicije i on oče biti naš i međimorski župan. Za ve je prvi, za ve je jedini i ak tak ostane on bode najbrž zebrani kak god je haklik naše međimorsko biračko telo. Nekaj sam si gruntal i premišlaval da je jegova stranka premala kaj bi mo mogla nabrati dosti glasov kaj bi on bil zebrani dok se i drugi kandidati prijavijo, a posebno mo bode teško ak se bode prijavil i naš dofčerašji župan. Matija Posavec se bode mogel javiti ak bode sredil račune z Uskokom i ak mo oni potpišejo potnoga naloga.
Dok sam vagal kakše so šanse Darkija Zvera da postane župan pojavil se jegov veliki (mladi ga zovejo đambo) plakat i to na hiži v šteroj stanuje čakoski i međimorski Hadeze. Mam mi se presvetilo i bilo mi je jasno kak den, Darko i HDZ idejo skupa na izbore jerbo da je ne tak unda ne bi hadezeovci dopustili kaj bi Darko nakelil svojega plakata na jivo leso. Morem vam reči da mi je nešči to povedal i da sam ne videl plakata svojim očima ne bi veruval. Još jempot se pokazalo da je v politiki se mogoče. Ak čovek (čitaj: Darko) nekaj oče, a oče biti naš i međimorski novi župan unda mora najti pravoga pota. A jegov pot, kuliko vidimo, ide prek hadezeja.
Pišta B.