ZAKAJ VELEČASNI NA SPREVODU MEŠU SLUŽIJO – DNEVNO IZVJEŠĆE IVE KOPRIVE PART 3

Jo vam Muralista ne čitam. Čitam sam uno kaj morem v roukaj držati. A sem čula kaj je un samo na internejtu ili kak se to vrobec već ne zove. Niti kompjutorja nejmam, ali sem ga jempot vidla na televiziji. Ne razmim kak neko more pred toum škatulom sedeti i po cejle božje dneve vu nju buljiti. Mi je sosed rakel kaj se un s sosedom prek nekšega čata spominja i dogovarja, kaj je stvarno sramota. V moje vrejme smo meli klope pred hižom pa smo na njimi v živo šprehali. I se smo znali morti bole nek denes. Još mi je spomenul da ima i već nek jezeračo prijateljov na nekšemu fajsu, a nej je shiže leto dni mrdnuo.

 

Zgledij kaj je on pregazil sosedu, dokli je mene pregazilo vrejme i tou tak strašno kak včera nemci brazilce. Kaj se toga dotikovle ve sem se zmislila da je naš Ivek Kostelić jempot izjavio da je spremen kak nemački vojnik pa so ga sij zbog touga napodali. Hrmaček jen hurmasti. Moro je reči kaj je spremen kak nemački nogometoš, makar je sama ta rejč spremen sumnjiva v danešnjoj Hrvacki. Jadnim brazilčekaj bi protiv švobi nej mogo pomoči ni un japonski sodec, sem pozobila kak mu je ime, ali znoum da mu se žena zove Njufuka Saki. Ve sij v cejlemo sveto dejlajo sprdačine na račun Pelejovih nasledniki. Ni mij smo nej izuzetek. Vijšte, jo sem vam nej takva i drugač pametujem. Složila bij se odmah stejm kaj bi naši kockasti sako prventsvo igrali v polufinalo pa makar dobili i deset komodov.

 

Mi se čini kaj ove moje brljotine i neko prebere jer so me počeli na cesti zastovljati i savete mi dovati. Tak velijo nek napijšem zakaj naš velečasni Tomica držij mešo na sprevodima i tak meščanima vrejme jemlje. Bi un mouro znati kaj su uni došli na sprevod, a nej k meši. V zijmi im je zijma, v leti pak im je vrouće i tak zgledij kaj sij namerno vmiraju v debelome minusu ili plusu. Niko da odapne pri nekšoj normalnoj temperaturi. A ve bom vam jo povedala, dragi moji serjojnčani zakaj je tou tak. Da bi v cirkvo hodili i druge dneve osim nedele i tak jo napunili, nejbi vam Tomica prodištva držo na groublju nek vu Božjoj hiži. No ipak imate izbora i na sprevode pol vure zakasniti pa bute dojšli baš na vrejme.

 

V Središćo vam je na snogi nouva regulacija prometa. Postajli so nekše znake pa se kamijoni nesmejo već pelati nek kak na njima pijše. Kaj je tou nej istina, nojbole vam zno Branka štera voćaru na placu ima. Dok se kamijoni pelaju 40 na vuru v hiži joj z ormorja jaboke doli corijo, dok se pelajo 60 na vuru z stolčeka vu sobi joj banane na pod podajo, a dok se pelaju 80 na vuru s kreveta joj opodne Joka. Kak un v zodnje vrejme stalno curij, pozivamo policajce nek malo mejrijo brzino kamijonaj ili nek neko donese odloko kaj se po našaj cestaj smejo voziti samo zaprežna vozila.

 

A ve idemo malo na svetska dogojanja. Danes mediji pijšejo kaj si je dragi vođa v jenoj Koreji zgloba skleknul pak teško hodij. Narod je zbog te nesreće v paniki i v strašnemu delirijo, baš kak da su se sij z Nizozemske napušeni vrnuli. Kaj bi tek bilo da so mu nogu vrezali, kak našemo, nesmem ni pomisliti. Ak do zutra ozdrovi se pok čujemo. Vaša Iva Kopriva.