VU SREDIŠĆO BOMO ŽMIGAVCE ZA RENOJE DELALI – DNEVNO IZVJEŠĆE IVE KOPRIVE PART 7

Včera je bila nedela. Pri nam je niko drugi nej delo osim kladionici, krčmi i jane trgovine štera v nazivo ima dvoje SS. Ni jo sem nej delala jer po ugovorju z Muralistom imam prav na jen sloboden den na šteri sem se mourala priprovlati za uno kaj bom danes napijsala. Čuda touga sem pročitala i čula pa predložem da idemo po redo.

 

Naš je župon Posavec bil vu Francoski. Nej je tam išo vijno piti, kak govorijo zlij jeziki, nek je samo reklamejro dobro međimorsko kapljico skupa z dvanojst apostoli, naših vinogradorov. Pred nekaj lejt bi ta vest bila senzacija ravna unoj kaj je Mesić Gadafijo pejska prodo, no vremena se mejajo pak ve mij francekima svoje vijno nudimo makar su vam uni i šampanjca zmislili.

 

Tak usput je Matija i Renoja v Međimorje pozvo. Mogli bi pri nam aute delati jer imamo čuda gospodarskih zoni štere stojijo prozne kak moj račun v negdašnjoj Međimorski banki. Čijm so tou zazvedili naši gradonačelniki i načelniki odma so se z mora vrnuli i mobitele v rouke zeli. Tak je Makovec, prema izvješćo tajne službe, nazvo Srpoka i predložil mo kaj bi se v Mortino motori za te aute proizvodili, jer uni imajo Teproa šteri je spremen odma se posla prijeti.

 

 No, naš se gradonačelnik nej dal nasonjkati kak uni prije njega, šterimi je Makovec pred nosom se k sebi otpelo. Istina, velij Droš, Tepro je pre vam, ali je Rupica z Središća pak bi mogo i pri nam nekaj otprti. Na primer, vu Središćo bi se žmigavci mogli sastovlati. Mij stejm imamo čuda iskustva jer ih stalno koristimo dok kamijone po grodu prestijžemo.

 

 Frenki bi se isto mogo preorjentejrati i z penezi kaj je od unije dobil auspuhe variti. Dikačice z Vratišinca bodo navlake za sice šijvale, Antolović i Bek bij klime v aute ugrađivali, naša likovna udruga bi jijh forbala, sam je problem kaj bi možda tehničkoga pregleda nej prejšli. Sem mejla čuti kaj va dejla nekši nouvi šteri se po redu ruši. Kak god, mij smo za proizvodnjo bili spremni i prej nek se Matija z Francoske vrno.

 

Nogometa mi je pun kufer. Fala dragome Bogu kaj se je tou fčera završilo. I ak smo već pri Bogu mouram raći da je njemo sigurno nej bilo lahko. Papa Franjo ga je molil za svoje, a Papa Racinger za svoje. Kak se nej štel ni jenomu zameriti odredil je nek strejlajo penale, pa kak bou, bou. No, nej je računal na jeno stvor i tou  unu najvažnešo. Gola je v produžetko zabil nekši Gece šteri je sigurno ateista i tak je poremetil Božje plane.

 

Vjutro sem bila pri skeli na Fuku. Pardon, Fusku. Sem išla glet kak propoda naš turizem. Je žijve duše nej bilo. Od da so donesli odloko kaj se pijača več nabre tržiti,niko neće biti žejen.Pak tam niti ne hodi. De so uni lejpi časi dok smo užijvali, pijli i jeli, koupali se, dok so tamboroši svirali, a Leli nas na kijpec dejvo. Ak tou netko ne prezame i ne počne alkohola točiti, bo skela samo spomen na dvo ribijče štere je Vinca v zoru na Napolitanke otpelo.

 Policajci so vam dobili nouve majice štere so rezoltat napornega rada domoćih stručnjakov. Zovejo se uniseks i uverovljam vas kat tou z seksom nejma nikše veze. Majice so idealne, kak une s krokodilčekom la kosta ili adidasove s trij crte, a bojše su i od unih najkovih. Jedijna im je falinga kaj se pri pronjo skrčijo i forbo premenijo pak postonejo ružičaste. Kak stvorene za parodo ponosa ! Vaša Iva Kopriva.