Ak ste mislili da sem jo dosadna, posle včerošnje utakmice ste mišljenje sigurno premenili. Tou kaj so igrali argentinci i nizozemci je nej bil isti šport šterega smo prejkvčera gledali v izvedbi nemačkega blickriga. Morem sam konstatirati da so tulipani ostali tulipani makar ih zovejo i oranje. Za drugo su i nej nek da zemlo orejo. A tek argentinski gaučosi ? Pa uni su nej v stanjo janoga bijka i kravo predriblati i da so nej meli nekšega rezervnoga francoskoga golmana šteri je rezerva našoj rezervi Pletikose, nigdor bi nej finale vidli. Je nizozemski selektor Vangal rakel kaj ga je un penale vučio broniti. Me samo zanima zakaj je nej vučil svojega golmana ? Jemo bi bilo pametnejše pijsati kolumne za jutarnji jer za vrejme utakmice stalno nekaj pijše. Zakaj ga sodec ne opomene da nebre dvo posle v isto vrejme delati! I tak bodo ve vu finalo igrali Papa Racinger i Papa Franjo. Sigorno bodo jen i drugi svojega šejfa molili nek njihovima pomogne. V nedelo bomo tak vidli i za koga Bog navija.
Na središćanskom groublju su pok jeno starico mojih lejt opljačkali. Lopov se dopelo z biciklom kak da vozi tur de frans i lančeka joj strgo. Zgledij kaj tij pljačkoši revno pratijo javne nabave naše vlode jer so tak došli do informacije kaj je policija dobijla čuda markejranih nouvih auti z šterimi ih nebrejo po graubljaj nagajati, pa stroha nejma. Jo predložem nek im Milanović konje nabavi pa bumo unda vidli ko bo se usodil krasti. Ak neznajo jahati se morejo navčiti na našemo ranču Ponilandu, makar tam imajo i magarce. Policija bo tak prva koja je prejšla s magarca na konja.
V našoj državi vam sij morejo srati kulko očejo, de očejo i po komu očejo. Sij osim kujsekov na gradskoj šetnici. So grodske vlosti za tou nekše kutije postavili v štere bote morali metati uno kaj za vašim ljubimcom ostone. Ak tou ne naprovite bo vas naš komunalni redor Dragec fejst po žepu opalio. Prejk obavještajnog podzemlja sem čak i do slike dojšla gde un kože z roukom kam dreka morate hititi. Kulko je za tou propagano Srpok platil fimi mediji još mi je nej poznoto.
Mi se ljudi žalijo kak velike kazne v Sloveniji pločajo. Njihovi ih mileki derejo bez milosti do gole kouže. Zgledij kaj so se napalili na hrvote šteri k njijm v šoping hodijo i tam kupujejo hrvacko. Mij pak slovejncima se toleriramo pa im dozvoljamo kaj parkejraju de očejo samo kaj nam nekšega eura ostovijo. Bi naši komunalci mesto kaj pse po šetnici lovijo mogli i janezima nekšo kazno napijsati i tak popuniti gradskega proračuna. No možda mijslijo kaj uno MS na registraciji znači Mursko Središće pa se nečejo svojima zamejrati.
A ve pok malo vu svejt idemo. Se rvacke novine pijšejo kaj bo se ženil nekši Đoka i tou na Svetomu Stefanu. Naši celebritiji na se mogoće načine do pozivnice očejo dojti i pri tom ne birajo sredstva. Čak so i Muralista zvali ak im more srediti akreditacije jer ipak se ženi un šteri je vu finalu Vimbldona nekšega storčeka od štiri banke pobedil. I tou v pet seti.
Za kraj vam se moram pofoliti kaj so mi na Muralistu i posebno rubriko otprli štera se zove, sigurno nete verovali, Iva Kopriva, pa ve se moje ispovesti morete najti na jenom mestu. Do zutra dobri bojte. Vaša Iva Kopriva.