Nekaj si mijslim i premišlovlem pak mi je na pamet dojšla jana ideja. Kak niko nazna nekše projekte napijsati z kojaj bi europskim fondovima peneze zeli, mogli bi kandidejrati cejlo Međimurje, onak kak regijo. Se nigdi vu Europi tulko ne krode i tou bi nam trebala biti velika prednost i neoborivi argument šteri bi niko vu Briselu nej mogo ignorejrati. Bi sij mlodi policajci z unije dojšli k nam na prakso i obuku. Se tou nebre navčiti z knjigi i skripti v njihovaj školaj. Vu Međimurju bi prove lopove nagajali i tou v živo i po noći i po dnevu. Projekt bi se trebo zvati POLICIJSKA AKADEMIJA MISSION IMPOSSIBLE MEĐIMURJE.
Podelili bi jih po sektoraj. Poljoprivredni sektor bi dežuro po zemlama i pazil na krompejre, voćke, kuruzo i ostale kulture. Sektor za tekuća pitanja bil bi stacionejran po međimurskom kafićima i lovil une šteri na pijačo dojdejo posle radnog vremena. Saka hiža bi si jenoga praktikanta na ston i hrono zela. Unija bi dobro platijla, a sigurnost bi nam bila zajamčena. Tou bi bil kućni sektor. Razne ustanove pazil bi javni sektor. Po bolnici i ambulantaj bi mlodi policajci v čekaonici sedeli. Mogli bi se i odma za nekši pregled zapijsati jer bi za štiri lejt kuliko im traje škola možda i na red dojšli. Politički sektor bi nadziro političare šteri so na funkcijaj. Njega bi trebalo dislocirati vu Zogreb, jer naši naznajo krasti ili nejmajo kaj. Se nam uni z metropole pokrodejo i još sako malo dojdejo k nam v izvidnico glet ak je kaj ostalo.
Povejda se kaj nojbole krodejo Romi. Pogotovo vu Pribislavcu gde očejo i udrugu za zaštito formejrati. Nasmijo biti naoružani, nasmijo lopove zlostavljati ni vrejđati, a ak ih napodnejo uni koji po noči v prirodi pomfrija pečejo, nasmijo se ni broniti. Ko bu se javil v takšo udrugu i kak dugo bo živ osto, nej mi je jasno. Mij vu Središćo z Romima nejmamo problema. Stacionejrani so vu Etno selu Sitnice koje je Europa izgradila po sijm standardima tak velikim da uni nejmajo potrebe krasti. Včasi bumo mij plačkali njijh, samo moramo paziti kaj vrednost nebo vekša od hilado kuni, jer bi nas policija unda mogla prijaviti.
Jutarnji pijše kaj je Bandić po Zogrebo postavil 300 kameri štere bi mourale smanjiti razne nepodopštine. Nek živi čovek v nadi. Pri nam vu Središćo ni kamere ne pomožejo.
Dok so Woolfa iza benzinske pljačkali ih je vlasnik direktno na mobitelo gledo. Zval je policijo, ali so lopovi prije pobegli. Nej samo z cijpelaj nego i z kompjuteraj i kameraj. V sili je samo pozobil na mobitelu pritisnuti rec i tou snimiti. Kak ve nejma dokaze ni tou kaj ih je prepozno i identificejro, mu nikaj ne pomože. Dok ih ne prijmejo na delu. Vaša Iva Kopriva.
