Ak mijslite da ste se me rejšili jer malo kasnijm s izvješćem, fejst ste se fkanili. Sem bila vu štrajku i z urednikom pregovorjala o honorarjima kaj mi je nej isplatil za uno do ve napijsano. Nej sem ni vu jenomu sindikato pa sem morala souma tou papirologijo rešovati. Na krajo je pristo na se moje uvjete pak mi je dal jeno črno kapo i majico, štera mi je premala jer vam jo imam velike cecke. Čak sam se i vu anekso ugovora izborila kaj bom mogla luka rezati vu ekipi Muralista na gradskom kotliću.
Ve pak idemo na posel. Sij se pijtajo so možda kaj Tekelijovi dečki najšli na nojžaj rudorovoga kina kojega renovejrajo. Morti kakšo vremensko kapsolo štero so ostajli uni kaj povejdajo da nam je prije lepše bilo. Je, najšli so por kutiji i vnjimi zanimlive stvori. Bile so nutri dvej registacijske toblice, jana parna, a druga neparna. Tou vam je uspomena na dneve da smo se nej z autima smeli voziti saki den, nek prema parnome i neparnome broju na njijm. Dale so najšli bonove za benzijn, une kaj je Ana matičarka delijla. Ak ste te bone nej meli, nej ste ni benzina mogli dobiti. Čak so v kutijaj i peneze najšli s tulko nuli gori kaj so nej znali pročitati so tou milijoni ili miljarde. Skoro su sij šteli odma otkaza dati no na vrejme so skužili da je un, kaj je gori na sliki penezov, zdovlja vmrl. V kutijaj so bile i nekše ambalaže od kove i ulja. Spomen je tou na prekrasne čase da smo se nej z kovom trovali niti kolesterola v krvi meli. A kaj smo tou nigdi nej mogli kupiti, koga briga ? Bilo nam je lejpo i bojše nek danes !
V Ameriki je pok bil veliki masaker, ali nej z motornom pijlom. Jen je vu Teksasu postrejlo celjo famijlo s decom, mamom i tatom. Tam van je tou normalno, a nej kak pri nam. Mij još otkopovlemo postrejlane i zaklone pred šezdeset lejt, a krijvce oslobojamo dok vu Ameriki dobijo nouvoga električnoga stolca i za saki slučaj još pet doživotnih robiji. Se je pre njimi oglosil i nekši astronaut kaj je na meseco bil. Velij da je vidil eneloe, kak da je tou nekaj čudnoga. I mij smo ih vu Središću vidli i nej smo zbog touga na mesec morali iti.
Milanovića danes nebom komentirala. Sam bom rakla da sem do ve mislila kaj se čuda dogojajo samo vu Međugorju, a vijdim da se Gospa skozala i vu Uljaniku ! Vaša Iva Kopriva.
