Me je urednik vjutro nazvo na kućni telefon, jer jo vam mobitela nejmam, i velij nek denes izvješće predam nekaj ranejše radi touga kaj nejma kaj drugo objaviti. Vu Središću se roum nikaj ne dogoja, z „emeđimurja“ nebre prepijsati nikaj interesantnoga za naš grod, a ni fkrasti nebre nekše zanimljivosti z drugih portali jer ih kakti nejma. Još je rakel kaj je moje prvo izvješće pročitalo trij ljudi i kaj je tou 100% već nek ih inače pročitajo pa im je poseta zrosla duplo.
Kulko sem vpučena v šport znoum da se denes igrajo polufinalje v Brazilo i tou Nemačka protiv domoćih. Povodom touga se oglosil, a ko bi drugi nek naš Ćiro. Nej je tou cugec šterim ste se negda v Čakovec vozili, prije neg so ga ukinuli, nek Miroslav Blažević. Bez da je dvopot premislio bubnuo je kaj mij mouramo za Švobe navijati jer trijdesti posto Hrvotov dobijvle nemačke penzije. Jo dobovlam ovu našu pa bom navijala za Brazil.
V zagrebačko bolnico Dubrava je jana doktorica donesla zmijo pitona. Bežala je pred policistima jer je z autom mejla nesrećo pak se bojola kaj bi joj nej najšli kućnega ljubimca v gepeko. Sij so se po bolnici razbežali kaj je dobro za naš proračun šteri bo na toume dosta zašparo. V našoj zdrastvenoj ambolanti ga zmiji nej, kaj se nebre reći za komorce i tou une mlode jer su odrasle uspješno tretirali sigdi sam nej v Gorjemu kraju. Ak vijdite Matuzu i Čipčija kak fejst bicikle tiraju mourate znati kaj se ne žuriju v kladionice nego ih to komorci tirajo.
Jo vam pratim i vesti z dalekoga svejta. Tak sem včera pročitala kaj je v Bosni jen mladić mojih sademdesetih lejt pozval policijo jer mo je bakica nej dola seksati. Starčika se pred zakonom bronila da je prestora za tou delati i fejst osramotila mojo generacijo. Ovim poutem pozovljam dedeka nek dojde k meni v Središće pa bo onda un zval policiju zbog seksualnog napastovanja. Bum mu i pokozala jeno novo pozo kojo zovem bosanski lonec.
V Nigeriji je jena familija svojega brata smestila na psihijatrijo jer so doznali kaj je ateist. Tou su vam uni kaj vu Boga ne verjejo. Pri nam pak vam je obratno. Norhausi su puni vernika, a tam ih pošijlaju uni na vlosti. Valda bodo tak pametni kaj posle izborov nebodo iskajli azilja v Nigeriji.
Čaćić je v svojemo reformiranome programo napijso kaj bo smanjio jedinice lokalne uprave. Po takšnemo bi i Mursko Središće ostalo bez statosa groda i mouralo bi promeniti ime. Zvalo bi se Biograd na Muri. Čim je to sazno naš gradonačelnik Droš odma je nabavio konja i sabljo i kak Ban Jelačić nagoja Čaćića. Nadamo se da bo ga prijo.
Tulko za denes, a zutra ko zno ? Morti Srpok mene zahači s tejm velikim nožom, makar sem Čaćiću nej nikaj slična. Vaša Iva Kopriva.