Mij vam vu grodo društvenoga života nejmamo. Već se niko z nikim ne druži. Po kafićima saki soum kovu pije i bulji v novine kaj bi ga neko nej prepozno. Bi unda možda i rundu moro platiti. Se kaj progovorimo je z konobaricom štero pijtamo kulko smo dužni, makar dobro znomo jer saki den jednoko pločamo. Nejmamo časa za prjatele ni rodbino. Ak se na cesti slučajno zijdemo, pozdrovimo se reda radi i pijtamo jen drugoga kak si. No briga nas je nej, iak sij velijmo da smo dobro. Zakaj bi rakli da nam je loše i tak drugoga razveselili.
Vu moje vrejme saki se je sa sakim družil. Internet nam je bila klupa pred hižom, a facebok je bil druženje i veselice na vatrogasnaj zabavaj. Gledali smo se v lijce, no posle smo se tračali po stroni. Znali smo kak drugi dišij i zgledij. Danes se spomijnajo prejk mobiteli, gledijo se na skajpo, a ogovorjajo prejk objavi na društvenaj mrežaj.
Kaj bi tou nej bila potpuna katastrofa pobrinul se je Merkator kojega je ve Todorić kupil. Ne prodovlejo nam samo uno kaj nam treba i nejtreba, nego obovljajo i jeno društveno korisno zadaćo za štero bi ih Josipović moro odlikovati. Dok ih dvajsti na red pri kasi čeka i na prste se zdigovle kaj bi vidli vu kojemo redo bi prije cejha platili, so prisiljeni i soseda prepoznati. I normalno, unda se znjijm spomijnati.
Tak je Merkator posto središte društvenoga života vu našemo Središćo. Da nejma njega i čekanja v redo z košaricom ili kolijcima bi mortik i govoriti pozobili. Zoto se najte srditi na kaserke jer une dejlajo tak kaj im znoj i po rijti curij, nego tou vrejme iskoristite za druženje i spominanje. Mortik tak i neka već zazvedite nek pri kompjutoru.
Jana je međimurka proglašena za ženo godine vu Hrvackoj. Ve nam semaj moura biti jasno da je Hrvacka do Mure, a nej do Drave. Bernarda Cecelja je tou priznanje dobijla za svoje madrace i krevete koje vu Puščinaj proizvodi. I kaj je tu još čudnega ? Pa tou kaj se međimurci naznajo na krevetaj izležovati i na madracaj dangubiti nego samo dejlajo i dejlajo. No pri nam i vu svejto ima čuda unih šteri Bernandine postele kupujejo. Mij se vijdi da joj je izvoz nojvekši vu Dalmacijo i Črno goro.
Kak mij na Jadrano turiste pljačkamo je nej nikša novost. V stanjo smo jih do gole kouže oguliti. Tou je zorno pokozala jena turistkinja koja je v zadrogo dojšla potpuno gola. Kupila je sendviča i soka, platilja i vum dišla kak da je tou najnormalnejša stvor na svejto. Čak se je nej niko za njom obrno. Me zanima samo de je novčanijka s penezi držola ?
Danešnji večernjok pijše da sigdi bicikle krodejo. Po vulicaj, stubištaj, dvorištaj, garažaj i drugaj slabo osiguranim i meje prometnim mestima. Njihov stručnjak od novinorja čak do tanane doje uputsva kakšega si lokota mourate kupiti i kak ga na biciklin zmontejrati. Za une kaj naznajo čitati so i video naprajli i na joutube ga deli. Tou se na nas međimurce ne odnosi. Pri nam bicikle ne krodejo, nego z biciklinami krodejo ! Vaša Iva Kopriva.
