Začelo se je Leto uz Muru makar bi bole bilo rači Jesen uz Muru, jer saki den leje dešč, a tu i tam dobro zagrmij. Pripreme za gradski kotlić so već naveliko počele i te padaline morejo takmičarima samo pomoči da im lonci bodo puniši. Se sij prijovleni žalijo kaj Grod z premalo penez, kaj za meso dovle, oče nahroniti jezeračo gladuši kulko bu ih sigurno došlo na Zalešće. Samo je Isus mogo s trij ribe tulko ljudi zasititi no z ribnjaka niko nebo odišel lačen.
Prova katastrofa je zadesila organizatorje. Je včara nazvola Lejpa Brena štera je otkozala svoj nastop na kuhanjo jer si je jadnica obadvej rouke spotrla. Neje tou nekša nouva vest, jer sij mediji o toume pijšejo, ali je za nas od velike važnosti jer ve nemo mogli proubati njezin srpski pasulj.
Kak je glavni favorit odusto, na prvo mesto v kladionicaj je skočil Pali Ribarić. Un kuha za planinore z Bundeka. Asistejra mo sosed Joža Novak. Sigurno ga znote jer dnevno pet pout pešice Središće prejde. V ekskluzivnom intervjuju za Muralist je Pali prizno da je već počel meso, luka i papriko rezati tak kaj bo se na vrejme spremno. Naznam ak je tou po pravilima, no jo ga nabom nikomu prjavila. Auta je isto vužgo kaj bo za dvo tjedne odma mogo vu njaga skočiti i oko pet vjutro na ribnjako biti.
Za prvo mesto so svoju kandidaturu, kak i sako leto, najavili Trij šogora. Već je vrejme da pobedijo, samo imajo jan veliki problem. Kuhati stalno dojdejo dvo šogora dok tretjega nigdor nejma ni blizu. Ve im je organizator zapretil nek ime premenijo ili touga tretjega dotirajo. Gospon Mladen Vuri kak glasnogovornik ekipe se je još po toum pitanjo nej oglosil. No jo ne sumnjam kaj bi uni tou sitoacijo nej znali rejšiti. Makar si dopelajo šogorico !
Za mesto pri vrhu bo se boril i Rudarski zbor šteri vu svojem sastavo ima najvekše kulinarske zvezde Središća. Peka i Beka. Makar zlonamjerna konkurencija tvrdi da uno kaj uni skuhajo ni pes z maslom nejbi pojo, sitoacija je posvem drugačiša. Prošlo leto so skorom zodnji došli, a kotla so im med prvima pojeli. Ak im ovo leto pok hrone nestone bo Dragec z Kebaba dopelo se kaj treba pa i Hreneka. Jeno je sigurno. Pijača sfalijla nabo !
Čitam kaj bo Mesić opo na prosjački štap. Je protiv njega tužbo dobil janez Joško Joras šterega je naš bivši doživotni precednik uvredil. So se nekaj okoli granice svadili, a Joška baš ne razmi Mesićeve viceve. Tak mo ve naš Stipe moura platiti dvej hilade euri i još dvej hilade kamati. Kak bo tou podnesel nej bi znala povedati. Jo mo preporočam nek pok vu Australijo po čeke dijde. Popejvati je valda još nej pozobil.
Sij naši osnovnoškolci bodo dobili besplatne knjige. Ko bu ih platil još se nazna. Milanović oče dati samo polovico, a ostalo bi mourali namiriti Gradovi i Županije. Čak neče dati peneze ni za socijalno ugrožene , branitelje i Rome šteri so knjige do ve uglavnom zabadav dobivali. Pri nam bo ve drugo polovico moro platiti Posavec. Naznam kak Matija lovu ima, a Zoran nejma. Je tou našemo župano moralo biti jasno več i prije dok je premijer s precednikom v por navrati v Međimurje peneze dojšo prosit. Vaša Iva Kopriva.
