Sij povejdajo i mijslijo kaj je broj 13 nesretni broj. Ak je kcoj još i petek kak danes ( ali nej 13.) ne pijše vam se dobro. Kak je ovo moje 13. izvješće mi je dugo trebalo da ga napijšem. Čak sem ga štela preskočiti i odma prejti na 14. No sem se ipak predomislila i počela istraživati za kaj je tou tak. Jani velijo kaj je v petek 13. francoski krol Filip dal pogubiti viteze templore, drugi kaj je 13. Kain ubil Abela, tretji kaj ih je bilo 13 na Poslednjoj večerji, štrti kaj so Isusa razapeli v petek, kaj je istina, samo nebrejo dokozati kaj je bil 13. Peti velijo kaj se veštice i vampiri okupljajo v skupinaj po 13 i da je Apolo 13 nastrodo za tou kaj je bil 13. po redu.
Kak god bilo jo sem odlučila da bom danes obradila samo mistične teme koje v našim medijima ne falijo, jer je sezona kiselih vugorki. Počela bom z Australijom. Tam je nekši domorodec nebo sliko i dok je dojšo doma primetil je da je na sliki sam Bog. Je odma tou del na facebok i druge mreže i stejm dobro posvadil milijon unih šteri so tou komentejrali. Verniki so mu odma poverovali, no problem je nasto z ateistima i komunistima. Uni nikšega Boga na toj sliki ne vijdijo, neg zamislite, Karla Marksa. Dok ovo pijšem još trajejo svakojakše rasprave i bou zanimljivo videti kak bodo završile. Vu našemo Središćo se tou nabre dogoditi. Ak nam se i kaj skože tou je kristalno jasno i čisto kak naslovna fotografija ovoga članka de se lejpo vijdi da je nad našom cirkvom prova Djevica Marija ili Majka Božja. I niko nabre rači kaj je tou Opačićka ili Kosorica. A klokani nek si kupijo bolše fotoaparate ili nek naprovijo dobre fotomontaže kak ovi vu Muralisto.
V zodnje vrejme ili skoro saki den jan avijon na zemlo opodne. Uni šteri uspejo Ukrajino preleteti se posle zrušijo somi od sebe. A nam povejdajo kaj je po nebu leteti sigurnejše nek po našaj autocestaj do morja dojti.
Bi se jo stijm još i složila, ali samo ak bi svoje živlenje provoj osobi vu ruke dola. Mijslim da bi bila sigurna ak bi mi pilot bil naš nekdošnji središćonec Miljenko Fric. Je njagova avio kompanija do ve ni jano nesrećo nej mejla i po tomu je najsigurnejša na svejto. I slogan te firme mi dovle poverenje. „NEJE VIC, PO ZROKO VAS VOZI MILJENKO FRIC !“
Ve se raznorazni vidovnjoki folijo po medijaj kaj so uni se te nesreće još zdovlja predvidli. Jan ruski astrolog tvrdi da je un tou već 2009. povejdo. Pozobil je samo rači kaj je predskozo da bo Barak Obama vmrl 2010., kaj bo štrti svetski rat počel 2011. i da bo Hrvacka z krize zišla 2012. Lahko je njemo prognozejrati i predviđati da bo šteri avojon opo. Pak mo Putin tou na prej povej !
Vu Hrvackoj se dogodilo nekaj nezamislivoga. So SDP i HDZ koalicijo potpijsali. I tou nej bilo gde neg vu Remetinco. Tam na mijro brojijo peneze štere so od naivnoga naroda oplačkali. Niko im nikaj nabre pa ni sod. Morejo im samo čatrdeset lejt store aute zeti jer tou je se kaj imajo. Bi mogli nekšo humanitarno akcijo za te jadnike pokrenoti kaj ne vmerjejo od glodi dok na slobodu dojdejo. USKOK pak bo prije blogo kralja Solomona najšo, neg njihove skrite račune. Vaša Iva Kopriva.
