Već dukše vrejme se zno da proščeja v Središču nejso tak na dobromu glosu kak v mestima kaoli jega. V Središću je nej samo jeno prošćejo posebno ga imajo serjojnčari Doljega, a posebno Gorjega kraja .Nejga tu kak negda štanti , ringišpili , gvirca ( tu i tam se nekši nojde) ali loudi sejeno držijo do touga običaja .
Tak je i denes v Gorjemu kraju pri kapelici bilo prošćeje. Meša je počela vjutro v deveti vuri i zbralo se fala bogu čak dosta loudi makar je denes bio radni den. Župnik Tomislav Antekolović je po velikoj vručini održo lejpo propoved , a nej pozobio pozdrajti našega gradonačelnika šteri je skupa svojimi gradskimi pajdoši bil pre meši kaj je za sako pohvalo.
Bilo je lejpo bili su tu stariši i mlajši pa se nodjamo da bu cajtu kaje pred nami pok nazoj prošćeje kak je bilo negda. Nesmimo pozobiti kaj se je posle meše večina sela pod haustor pri Blanki te se malo osvežila z kolači i mrzlo pijačo dok su se drougi seli k Leliju i Bosi.
Čula se je i pesma od strone Cirkvenoga zbora, por pesmici i odma je semaj bilo lepše pri srcu dok su se zmislili kak je na proščejaj negda lejpo bilo. Niti je ve nej bilo raom za plakati , ali je sigurno da mi serjojnčari bi moralo bole znati ceniti takše lejpe dneve i običaje. Kroz slikice si malo poglednite kak je to denes bilo v Gorjemu kraju. (Z. Rihtarec)
